賓得三公主

在一個難得的機會下,
三枝不同時期的賓得31mm鏡頭集合在一起.
大伙兒發覺她們有著不同的鍍膜顏色.
難得機會於是找來其她公主來個大合照.....123笑
數字越細代表越早期型號.
最早期的帶紅紫色,
中期的偏紫綠色,
及最後期碧綠的.

至於三枝鏡在成像方面有何分別呢?

最早期的色彩最為油潤.其她兩枝成像較銳利,

但色彩較淡.估計碧綠色的鍍膜是針對數碼機所作出優化.

犧牲了色彩而增加了對比度及對耀光作出改善.

在數碼時代下動不動去放大幾倍去聞照片.

只留意鏡頭有多銳利及數到幾多條頭髮時.

還會有多小人去注重色彩表現及立體感呢.

第一次摩機

剛過了的星期六,約了新認識的blog友"kilroy"見面.
試聽經他努力摩過後的膽機,與原庄相比效果如何.
在他的blog內見到佢將部祖國膽機仔改到出神入化.
一早已想試聽一下.見面後他還送給我四粒替換下來的靚電容.(真是很多謝!!)
在相熟鋪頭內駁好部機,一開聲真係目瞪口呆.
唔聽過真係打死唔都信,這部機可以出到d咁正既聲!
就算用番相等價錢也不比他好聲!
我覺得改機d錢真係好值得.
睇黎我都要努力搵錢改機!

接過"kilroy"手上的零件.立即更衣沐浴,買左枝新辣雞.開工前大伙兒影番張相先.

呢d電子野更係比番電子機械人攪啦.

唔洗半個鍾就攪掂晒.

現在請著名貓響評論員"長尾",講下換左靚電容既感覺.

長尾:喵~~~~咪!!

菲利:......哦.唔該晒四少.

菲利:四少大意係"分析力強左,空間感闊左同埋定位準左".

就連姑娘都話正!!!

壹蚊買d乜?

最近某大型超市努力推廣,
珍惜大家既每壹蚊.
原來係街邊士多仔同雜貨鋪,
都無可能用壹蚊買到野既時候.
我就係樓下間大型超市,
用壹蚊買到一盒原價十幾蚊既冰鮮豬肉.

條件係...唔洗買任何貨品,只係即日到期o者.

同場仲有擺到發黑同爛既疏果.以超級優惠價發售.

當街市鬧肉荒既時候,

偉大既超市仲有咁好既優惠比我等貧苦大眾.

頒匯真係要考慮下全線引入各名牌超市.

實在是解救天下蒼生於水深火熱.

功德實在無量,阿彌陀佛~~~

長尾:我唔要到期貓糧架!!!

"貓肥屋潤","貓壯力健"

各信眾請備甜竹及貓大哥敬拜本神.

我長尾神祝大家"貓肥屋潤","貓壯力健"

好野過年啦,拜長尾神我最清楚架啦.

最緊要係甜竹夠靚,等我試下就最穩陣.

依!!? 呢位師奶,仲爭罐貓大哥窩.

廚房有我睇住得架啦!!媽咪張d甜竹擺左係邊呢?

擺到咁高長尾神又點食到呢.

唔知大老爺同奀仔係果邊過年係點既呢?

同埋貓步高陞儲齊d閃咭!!!