新環境,好風景

雖然新工要早起身,又無得上網.
個個同事都唔出聲匿埋係位做野...
好在仲有個無敵海景.
做到吽吽地望下風景再埋位搏殺過

擊情-這次改對了中文名.

戲如其名.前半是拳擊,後半是情.嚴格來說拳擊是為了後面的情而鋪路的.

為何自己的生命不能由自己操控!!是道德的枷鎖;還是自己對致愛的留戀?

結局出人意表,還引發了一個大家值得思考的問題.
我絕對認同女主角的想法.

不想說太多,還沒看過的希望能抽點時間看一片吧.

自千禧年後就沒有一套像動畫,像cowbepop般令我有追片的衝勁.Macross Fronter是近來板豬坑人的利器.除了人物設定暫時未能接受外.無論劇情或分鏡都一級棒.所有歌曲及歌詞都是高水準之作.看似普通的歌詞卻和往後的劇情緊密配合.

在書房給15吋笀屈了廿多集,念念不忘第一次和版豬在廳看大屏幕的感動.來到最後的兩集決定豪一點.把電腦;電線;老鼠;鍵盤等弄出廳.接上謄機及電視還有焦糖味baileys!!!(這焦糖味baileys有夠毒!板豬大人坑人真是太到位了.)好好享受這兩集.雖然結局有點趕收工的感覺,但是不間斷的歌唱伴著戰鬥,及一些叫人懷念的場面.實在精彩絕倫,目不暇給.果然沒有浪費我的一翻功夫.

以下有小許結局內容:

想不到男主角一來到就污染了人家的星球.Vajra 有沒有後悔把母星讓給人類居住呢?

戰場之絆-龜霸出場

衝呀!!殺呀!!斬佢x味!!吼~~~!!!坐在聯邦軍駕駛倉內的版豬及男護士,就算是隔著耳機也清楚聽得到,這來自護軍駕駛倉內的叫喊聲.裡面坐著雙眼發紅的"亞凱三連星".

由於前線日本轉戰至太空的關係.尊貴的"戰鬥之絆"終於下放出來.鴨寮街是另一個招收黨員的基地.陳老闆及文仔第一時間體驗了男人之浪漫.步出機倉後各人戰意什濃.而本王也得到新MS!!居然是眾MS最可愛的亞凱?於是本王;陳老闆;仙人聰;版豬及男護士,一於相約在星期天打高達去.

想不到在老深的支店可以不用排隊!!可愛的亞凱雖然機動性較渣古高很多.但只得一野的左手飛彈及弱得可憐的頭頂機炮.....第一次獨自使用時只能給吉姆當點心享用.一戰下來.陳老闆及仙人聰也拿到了新機體,可愛滿載的亞凱喲!雖然不太好用,但拿到新機體亦想試用一下.那麼就捨命陪君子吧!!3隻亞凱圓圓胖胖的,一起移動時的畫面的確很可愛!!(現在明白馬沙當天的感受了.)既然射不過他們,咱們用拼的吧!!

剛巧眼前有一隻迷途小吉姆.咱們二話不說一擁而上!!3隻亞凱拳來腳住的圍著他狂o趙起來!!不消一會可憐的吉姆給o趙過希巴爛.在重生點等候出發......乘著這氣勢我們擁住另一隻迷網的吉姆.?頭功呀啦!!金鋼腿呀啦!!一下子眼前的聯邦軍都給消滅了!!可愛的亞凱們就唯有,圍在聯邦軍的重生點外等野打.
估唔到可愛的亞凱背後隱藏了那麼恐怖的一面.

無限地帶23

從來沒有寫過玩具玩評.但是自購了Yamato的Garland後,有一不吐不快的氣結在心頭裡.自小已很喜歡和電單車有關的動畫.無限地帶23更令我著迷不已.能夠變成機械人的電單車,我想天下父母沒有禁止子女學老電的理由吧.




由Yamato發報至發售.當中評價好壞參半.而市場上的售價也反映了她的評價,由八百多圓趺至四百尾就知有幾領野.正所謂唔領野點知咩叫領野呢.眼見價錢趺至批發價的地步,真係買番去餵貓都底.就係咁買左架一次性既變形玩具返屋企.

如果不計較變形時的一下一驚心.電單車的形態雖然較設定大了點,但加埋"省吾"上去擺出片緊灣既動作都幾形下.最精彩既就係機械人形態啦.比例恰到好處,兩個型態中取得很好的平衡.唔會有手短腳長或頭細身大的情況.在沒有ball-join及雙重關節下,活動性很亦算是很好.值得讚賞既係"省吾"可以坐係機械人裡面.根據以上種種,我會毫不猶豫打上個滿分!!只可惜一個致命的缺點,給它從滿分拉了下來.

一個變形時很受力的地方,還需要完成數個動作才能配合變形.就是前輪和手臂連接著車身的支架.竟然用上脆弱的亞鉛合金.只要稍不留神就會"車鹿"離分家;身手異處.結果我就係第2次變形既時候唔小心o拍斷左...唉~幾百蚊變一變真係好貴.

天無絕人之路,幸得朋友貓sir幫忙下.在他的妙手仁心下種番枝鋼枝入去.仲穩陣過以前,呢次真係塞翁失馬啦.

從沒想過"Garland"可以商品化.真是給各無限地帶23 fans燃點了希望.而且是不用換零件的變形方式.當中Yamato必定附出很多的心血.可惜的是一件零件就給拉了下來.只能說愛之深恨之切.變之完這次之後應該唔會再攪了.因為每個步驟都太動魄驚心.

夜戰新蒲崗工廈

天時暑熱打game真係諗起都唔願郁,但如果係室內場又唔同講法.
咁岩2弟和他朋友星期三攪室內game.好耐都未試過兄弟班上場啦.
(雖然最後都係走散晒)當然舉腳參加啦.
仲搵埋最近活躍攀石界既表弟,同載果盈車既外甥.

位於九龍新蒲崗工業區既實況射擊係今次既戰場.

其本上場地分模擬街景和板間CQB場而各佔一半.

因為街景太空曠所以戰場集中在CQB場內.

但成廿人塞係得番一半既CQB場內,

把平時係街外場半個鍾至9個字既戰鬥濃縮至8-15分鐘!!

可想而知激烈同混亂情度有幾高.

在夾窄既通道上每個轉彎位;每度門或者障礙物,

後面都可能有敵人或者自己人實在一步一驚心!!

打CQB大大不同於森林.由搜索,發現敵人至駁火.

在森林因為發現敵人後,可能距離太遠或位置問題.

未必會即時開槍.但CQB敵人隨時在轉角位或門後出現.1-2秒間;

觸手可及的距離.大家可選擇,開槍;後退定係握手.

如何依靠走位去早點發現角位或門後的敵人.

掌握這寶貴的1-2秒就是CQB的生存之道.

由於交戰距離太近,我們大都以手槍及單發上陣.

用手槍打CQB除了隱閉性及零活性較好外.

開槍時Blow Black的效果能給人實在的感覺外.

手臂從槍上不斷傳來的後坐力,及壓縮氣爆發的退膛聲,

就像腎上線素及腦內啡不斷注射入體內.

不像電槍般扣板機時只得乏味的拍拍聲.......

當晚由於是平日我們就像包了場般任打.

除左一般的撕殺外,還玩了多個Mission.其中最有趣的是打X屍了.

3隻X屍先匿藏係場內,餘下的警察就負責收拾X屍.

看下去好像不公平,但最有趣的地方是,警察給X屍打中後,

回去指定的地點.除下色帶就成為X屍一員!!

死左都仲有得打幾著數呀.之前拍擋之後敵人再做番拍檔!!

咁精神分裂既玩法,真係聽到都過癮.

不知不覺間就玩到晚上十一時半.為了趕及尾班車,

(打工仔的悲哀;明天還要返工.)

大伙兒才依依不捨的收拾東西回家.

由於場地較窄很難舉機拍攝.只能拍得數張照片.

呢次真係及時雨.

對住果套15分鐘嘈一次膠既劇.
真係唔睇畫面聽聲都覺得煩.
估唔到番鬼佬台重播X-file.
連變左飯煲既長尾都打回原形!!
重跳左上檯坐正係大堂前添.
果然外星人係打救地球人既好朋友.